२५ साउन , विराटनगर ।
छिमेकी राष्ट्र भारतको विहार राज्यमा नितिश कुमार आठौं पटक मुख्यमन्त्री बनेका छन् । मंगलबार उनले भाजपालाई ठूलो झटका दिएर आरजेडीसँग गठबन्धन गरेका थिए । यो घोषणा हुनासाथ भारतभर नितिशको चर्चा हुन थालेको थियो । बिहारमा बीजेपी र जेडीयूको गठबन्धन तोडेर फेरि एकपटक महागठबन्धनको सरकार बनेको छ ।
बुधबार दिउँसो नितिश कुमारले मुख्यमन्त्री र लालु प्रसाद यादवका छोरा तेजस्वी यादवले उपमुख्यमन्त्रीको सपथ लिएका छन् । भारतीय संचारमाध्यामका अनुशार भाजपाले जेडी (यू) नेताले विश्वासघात गरेको भन्दै विहारमा आज विरोध प्रर्दशन गरेको छ । मुख्यमन्त्रीको सपथ लिएपछि नितिश कुमारले प्रधानमन्त्री नरेन्द्र मोदीको नाम नलिई भाजपालाई निशाना बनाएका छन् ।
नितिश कुमारले भनेका छन्, २०१४ मा आउनेहरु २०२४ मा रहन्छन भने रहँदैनन् । उनले भनेका छन् कि हामी बाँचौँ या नबसौँ, २०२४ मा बाँच्दैनौँ । नितिश कुमारले विपक्षीलाई २०२४ को लागि एकजुट हुन अपिल गरेको बताएका छन् । तर, उनले प्रधानमन्त्री पदका लागि आफू उम्मेदवार नभएको बताएका छन् । नितिश कुमारको जन्म १ मार्च १९५१ मा बिहारको बख्तियारपुरमा भएको थियो ।
सन् १९८९ मा नितिश कुमार बिहारमा जनता दलको महासचिव नियुक्त भए। सोही वर्ष उनी बिहारको बारह लोकसभा निर्वाचन क्षेत्रबाट संसदमा निर्वाचित भए। १९९०मा नितिश कुमारले केन्द्रीय कृषि र सहकारिता मन्त्रीको रूपमा काम गरे। सन् १९९१ मा उनी दोस्रो पटक सांसद निर्वाचित भएका थिए । नितिश कुमा संसदको उपनेता पनि बनेका थिए ।
सन् १९९५ मा बिहार विधानसभा चुनावमा लालुप्रसाद यादव विरु एनले चुनाव लडेका थिए । जर्ज फर्नान्डिससँग उनले समता पार्टी सुरु गरेर चुनावमा ६ सिट जित्न सफल भएका थिए । १९९६मा नितिश फेरि लोकसभा चुनाव लडरे सांसदमा निर्वाचित भएका थिए । उनलाई अटल बिहारी वाजपेयी सरकारमा केन्द्रीय रेल मन्त्री, सतही यातायात मन्त्री र कृषि मन्त्रीको जिम्मेवारी दिइएको थियो।
१९९९मा ग्यासल रेल दुर्घटनाको नैतिक जिम्मेवारी लिँदै, नितिश कुमारले केन्द्रीय रेल मन्त्रीको पदबाट राजीनामा दिएका थिए । भारतमा टिकटको तत्काल बुकिङको सुविधा नितिश रेलमन्त्री हुँदा नै सुरु भएको थियो। मार्च २००० मा उनी पहिलो पटक बिहारको मुख्यमन्त्री बनेका थिए । तर, उनको कार्यकाल सात दिन मात्रै रह्यो । त्यसपछि उनी सन् २००५, २०१०, २०१३, २०१५, २०१७, २०२० र २०२२ गरी आठ पटक मुख्यमन्त्री बनेका छन् ।
नितिश कुमारका तीन बहिनी र एक दाजु छन्। जेठा भाइ सतीश कुमार किसान छन् । नितिश कुमारले अन्तरजातीय विवाह गरेका छन् । उनका एक छोरा छन् । उनकी श्रीमती मञ्जु कुमारी सिन्हाको भने सन् २००७ मा निधन भएको थियो ।
