१७ फागुन, एजेन्सी ।
विश्वमै लोकप्रिय बन्दै आएको चिनियाँ एप टिकटकको कठिनाइ बढ्दै गएको छ । अमेरिकापछि अब क्यानडाले पनि यो छोटो भिडियोको एपमाथि प्रतिबन्ध लगाएको छ । क्यानडाले गोपनीयता सुरक्षा र डाटा चिन्तालाई ध्यानमा राख्दै एपलाई प्रतिबन्ध लगाउने निर्णय गरेको अन्तराष्ट्रिय संचारमाध्यामहरुले उल्लेखख गरेका छन् ।
अब प्रयोगकर्ताहरूले भविष्यमा यो एप डाउनलोड गर्न सक्ने छैनन्। टिकटक एपमा कडा अडान लिँदै, व्हाइट हाउसले फेब्रुअरी २७ मा नै संघीय एजेन्सीहरूलाई चिनियाँ स्वामित्वमा रहेको छोटो भिडियो एप टिकटक हटाउन निर्देशन दिएको थियो। यसका लागि ३० दिनको समयसीमा तोकिएको छ । यससँगै सरकारले जारी गरेका सबै डिभाइसबाट यो एप हटाउन निर्देशन दिइएको छ ।
एक ज्ञापनमा, व्यवस्थापन कार्यालय र बजेट निर्देशक सलन्द यंगले सरकारी निकायहरूलाई ३० दिन भित्र सबै आईटी उपकरणहरूबाट एप हटाउन आग्रह गरेका छन् । यो प्रतिबन्ध संघीय सरकारसँग आवद्ध नभएका निजी नागरिकहरूमा लागू हुने छैन भनी स्पष्ट पार्न भनिएको छ ।
यद्यपि, अमेरिकन सिभिल लिबर्टीज युनियन (एसीएलयू) का अनुसार, हालै कांग्रेसमा पेश गरिएको विधेयकले अमेरिकामा टिकटकलाई प्रभावकारी रूपमा प्रतिबन्ध लगाउनेछ। एपको समर्थनमा, एसीएलयूका वरिष्ठ नीति सल्लाहकार जेन्ना लेभान्टोफले एक विज्ञप्तिमा भनेका छन् “कांग्रेसले सम्पूर्ण प्लेटफर्मलाई सेन्सर गर्नु हुँदैन।“
यो अभिव्यक्ति स्वतन्त्रताको अमेरिकी संवैधानिक अधिकारको विरुद्ध हो। हामीसँग टिकटक र अन्य प्लेटफर्महरू प्रयोग गरेर देश र विश्वका मानिसहरूसँग आफ्ना विचारहरू आदानप्रदान गर्ने अधिकार छ। टिकटक एक चाइनिज एप हो र हालैका महिनाहरूमा यो एपले पश्चिमी देशहरूमा छानबिनको सामना गर्नुपरेको छ।
गत महिना अमेरिकी राष्ट्रपति जो बाइडेनले टिकटकको प्रयोगमा प्रतिबन्ध लगाएका थिए । सरकारले जारी गरेका सबै यन्त्रहरूमा यी प्रतिबन्धहरू लगाइएको थियो। अब कानूनी रुपमा नै यसलाई प्रतिबन्ध लगाइएको हो ।
