विराटनगर ः विराटनगर महानगरपालिकामा गत वर्ष लक्ष्यभन्दा ३ करोड ७४ लाख ४७ हजार कम राजस्व असुली भएको छ ।जनप्रतिनिधि आएपछि पहिलो आर्थिक वर्षमै २०७४÷०७५ मा महानगरपालिकाको लक्ष्यभन्दा कम राजस्व असुली भएको हो ।
गत आर्थिक वर्षमा विराटनगर महानगरपालिकाको २७ करोड १४ लाख ४० हजार राजस्व असुली गर्ने लक्ष्य राखिएकोमा असार मसान्तसम्म २३ करोड ३९ लाख ९२ हजार ५ सय ६९ रुपैँया राजस्व असुली भएको महानगरले जनाएको छ ।
जनप्रतिनिधिविहीन अवस्थामा महानगरपालिकाले लक्ष्यअनुसार राजस्व असुली गर्न असफल हुँदै आएकोमा जनप्रतिनिधि आएर योजनाबद्ध काम गरेपछि पनि लक्ष्यअनुसार राजस्व असुली हुन नसकेको हो । यो समाचार आजको उद्घोष दैनिकको पहिलो पृष्ठमा छापिएको छ ।
