विराटनगर,भदौ १८
बिराटनगरमा हरेक वर्ष निकालिने ऐतिहासिक राधाकृष्ण रथ यात्राको सम्पुर्ण तयारी पुरा भएको छ ।अहिले केहीबेरमा(अपरान्ह ४ बजे ) निकाल्न लागिएको ऐतिहासिक रथयात्राको ५१ औँ संस्करण प्रदेश १ का मुख्यमन्त्री शेरधन राईले उद्घाटन गर्ने कार्यक्रम रहेको छ ।
रथ निकाल्न केही समयमात्र बाँकी हुँदा विराटनगरमा हल्का वर्षा हुन थालेको छ ।रथयात्रालाई वर्षाले प्रभाव पार्ने सम्भावना रहेको छ ।अपरान्ह ४ बजे राधाकृष्ण मन्दिरबाट रथ यात्रा सुरु हुने ५१ औं संस्करणको रथयात्रामा घोडाको प्रयोग गरी रथ तानिने छ भने हेलिकप्टरबाट पुष्पगुच्छा वर्षाइने आयोजकले जनाएको छ ।
