६ फागुन ,काठमाण्डौ ।
आज आइतबार नेपाल स्टक एक्सचेन्ज (नेप्से) परिसूचक २७.२१ अंकले घटेर बन्द भएको छ । कारोबार अवधिदेखि नै घट्न सुरु गरेको नेप्से परिसूचक अन्तिम समयसम्ममा १.३१ प्रतिशत घटेर बन्द भएको हो । यससँगै २०६० अंकबाट सुरु परिसूचक २०३४ अंकमा आएर रोकिएको छ ।
यसक्रममा आज २१ वटा कम्पनीको सेयर मूल्य मात्रै बढेका छन् । यसबाहेक २२५ वटा कम्पनीको सेयर मूल्य घट्दा २ कम्पनीको मूल्य भने स्थिर कायम छ । परिसूचक दोहोरो अंकले घटेको दिन आज ३ अर्ब ७७ करोड ५४ लाख रुपैयाँ बराबरको १ करोड ७ लाख ७२ हजार कित्ता सेयर खरिद बिक्री भएको छ ।
परिसूचक घटे पनि आज बोटलर्स नेपाल ९बालाजु० को सेयर मूल्य १० प्रतिशतले बढेको छ । १० प्रतिशतले बढेसँगै ९३१ रुपैयाँले बढेर कम्पनीको सेयर मूल्य १० हजार २४२ रुपैयाँ पुगेको छ । यसपछि, सामाज लघुवित्त वित्तीय संस्थाको सेयर मूल्यमा समेत १० प्रतिशतको वृद्धि आएको छ । आज सामलिङ पावर कम्पनी लिमिटेडको सेयर मूल्य भने ८.२१ प्रतिशतले घटेको छ ।
उच्च अंकले परिसूचक घटेको दिन आज सबैजसो समूहमा गिरावट आएको छ । सबैभन्दा धेरै निर्जीवन बीमा कम्पनी समूह सूचक २०६ अंकले घटेको छ । यस्तै, जीवन बीमा समूहको सूचक १३९ अंकले घटेको छ भने विकास बैंक समूहको सूचक ६९ अंकले घटेको छ । यसअघि, गत साताको बिहीबार परिसूचकमा १४ अंकले घटेको थियो ।
