१५ फागुन, एजेन्सी ।
गाजापट्टीमा इजरेल–हमास युद्ध शुरू भएदेखि लाल सागरमा अन्तर्राष्ट्रिय शिपिंग लेनबाट आवतजावत गर्ने व्यापारिक जहाजहरुमाथि अहिलेसम्म लगभग २ दर्जन हमला भइसकेको छ । यमनका हूथी विद्रोहीले त्यहाँ जहाजहरुलाई निशाना बनाइरहेका छन्। अमेरिका, ब्रिटेनसमेत कयौं देशहरुले खुल्ला शब्दमा चेतावनीसहित कारबाही समेत गर्दा पनि हूथीले आफ्नो अडान जारी राखेको छ ।
यसैबीच अमेरिकाले फेरि एक पटक कडा कारबाही गरेको छ । उनले लाल सागरमा बढिरहेको तनावका बीच यमनका हूथी नियंत्रित इलाकाहरुमा आत्मरक्षाका लागि भन्दै हमला गरेको छ । अमेरिकी सेंट्रल कमान्ड (CENTCOM)का अनुसार यो हमलामा २ मोबाइल एंटी–शिप क्रूज मिसाइलहरु (ASCM), तीन मानव रहित सतही जहाजहरु (USV) र एकतर्फी हमला गर्ने खालका मानव रहित हवाई वाहन (UAV)नष्ट भएका छन् ।
सेनाले भनेको छ कि यो हमलाको उद्येश्य लाल सागर र आसपासका जलमार्गहरुमा अमेरिका र साझेदारहरुलाई धम्की दिनका लागि प्रयोग गरिने खालका हूथी क्षमताहरुलाई नष्ट गरेर नेभिगेशनको स्वतंत्रता बहाल गर्नु हो । अमेरिकाको मध्य कमानले भनेको छ कि हुथीका यूएसवी र एएससीएम हतियार आक्रमण गर्नकालागि तयारी अवस्थामा थिए ।
यस्तै लाल सागरमाथि मानव रहित हवाई वाहनहरु प्नि घुमिरहेका थिए । तिनले हमला गर्न लाग्दै थिए भन्ने हामीले पछि मात्रै थाहा पायौं । यस्तोमा लाल सागरमा व्यापारी जहाजहरु र अमेरिकी नौसेनाका जहाजहरुका लागि खतराको अवस्था बुझेर हामीले कारबाहीको फैसला गरेका हौ ।
अमेरिकी मध्य कमानले अघिल्लो हप्ता १९ फेब्रुअरीमा पनि युमनका हुथी नियन्त्रित क्षेत्रहरुमा हावामा आक्रमण गर्ने खालका मिसाइलहरु पत्ता लगाएर नष्ट गरेको जनाएको थियो । गाजामा जारी इजरेली हमलाको विरोध गर्दै हुथीले लाल सागरमा त्यसको प्रतिकारात्मक आक्रमण जारी राखेको हो ।
मध्यपूर्वमा गाजामा भइरहेको तनावको कारण अमेरिका रहेको हुथीले ठानेको छ । यसै कारण उसले अदनको खाडीमा व्यापारिक जहाजहरुविरुद्ध आक्रमण गरिरहेको छ । साथै कहिले इरान त कहिले जोर्डन, सिरियामा पनि अमेरिकी सेना र अमेरिकी प्रतिष्ठानमाथि हमला भइरहेको छ । हालै टर्किएमा २ बंदूकधारी एक अमेरिकी कंपनीमा पसेका थिए । उनीहरुले कम्पनीमा रहेका ७ जनालाई बन्धक बनाएका छन् ।
