९ चैत, विराटनगर । सामुदायिक विद्यालय र त्याहा अध्ययनरत विद्यार्थीहरुलाई पाठ्यसामग्री सहयोग गर्ने उद्धेश्यले विराटनगरमा शिक्षाका लागि सङ्गीत अभियान सुरु भएको छ ।
मन्जिना मुभिज क्रियसनको आयोजनामा हरेक बर्ष आयोजना गरिने लक्ष्यका साथ यो बर्षको कार्यक्रम विराटनगरको एतिहासिक सामुदायिक विद्यालय श्री सरस्वती माध्यमिक बिद्यालयमा साङ्गेतिक कार्यक्रमका साथ शैक्षिकतथा खेलकुद सामाग्री बितरण गरिएको छ ।
कार्यक्रम मार्फत विद्यालयलाई कापी कलम लगायत खेलकुदका लागि फुटबल, भलिबल ब्याडमिन्टन, चेस बोर्ड, क्रिकेट ब्याट लगायतका विभिन्न सामग्रीहरु हस्तान्तरण गरिएको मन्जिना मुभिज क्रियसनका निर्देशक जतिन ताम्राकारले बताए ।
बिराटनगर महानगर वडा नम्बर ९ ले विशेष प्रबर्द्धन गरेको यो कार्यक्रममा नेपाल पुस्तक तथा स्टेसनरी ब्यवसायी महासंघ मोरङले सहयोग गरेको छ ।
कार्यक्रमका प्रमुख अतिथि महानगर वडा नम्बर ९का वडाध्यक्ष बिश्वनाथ भगतले यो असल कार्यले समाजमा एक उदाहरण दिएको भन्दै आयोजक टिमलाई धन्यवाद दिए ।
यस्तै आयोजक संस्था मन्जिना मुभिजका निर्देशक जतिम ताम्राकारले शिक्षाका साथ साथै खेल्कुद गतिविधिहरु पनि आवस्यक रहने भएको भन्दै अभियान सुरु गरेको बताए ।
