३ भदौ, विराटनगर ।
डिफेन्डिङ च्याम्पियन म्यानचेस्टर सिटीले इंग्लिस प्रिमियर लिगमा सुखद सुरुआत गरेको छ । आइतबार राति आफ्नो पहिलो खेल खेलेको सिटीले चेल्सीलाई उसैको मैदानमा २-० गोलले हराएको हो ।
स्ट्यामफोर्ड ब्रिजमा सिटीलाई जिताउन इएर्लिङ हालान्ड र माटेओ कोभासिचले एक-एक गोल गरे । खेलको १८औं मिनेटमा बर्नार्डो सिल्भाको पासमा हालान्डले गोल गर्दै सिटीलाई पहिलो हाफभरि अग्रता दिलाए ।
खेलको ८४औं मिनेटमा कोभासिसले गोल गरेपछि सिटी २-० गोलले विजयी भएको हो ।
यससँगै उसले इंग्ल्यान्डको सर्वाधिक ठुलो घरेलु लिग फुटबल प्रतियोगितामा उपाधि रक्षाको यात्रा थालेको छ । प्रिमियर लिगको सर्वाधिक धेरै पटकको विजेता टोली म्यानचेस्टर युनाइटेड हो । उसले २० पटक प्रिमियर लिगको उपाधि जितेको छ ।
तथापि, सन् २०१२–१३ को सिजनयता उसले प्रिमियर लिगको ट्रफी जित्न सकेको छैन । बरु, यसभन्दा अगाडि लगातार चार पटक जितेर समग्रमा १० पटक उपाधि जितेको म्यानचेस्टर सिटीले प्रिमियर लिगमा आफ्नो बर्चस्व बढाउँदै लगेको छ ।
गत संस्करणको उपाधि पनि सिटीले नै जितेको थियो ।
