१४ भदौ, एजेन्सी ।
अमेरिकामा नेपाली युवती मुना पाण्डेमाथि गोली चलाउने संदिग्ध पुरुषलाई प्रहरीले पक्राउ गरी सार्वजनिक गरेको छ । अमेरिकी प्रहरीले २१ वर्षीया मुनाको हत्याका अभियोगमा टेक्सास राज्यबाट ५१ वर्षीय बविसिंह शाहलाई पक्राउ गरेको थियो ।
पाण्डेको टेक्सासको हयुस्टनमा गत शनिबार हत्या भएको बताइएको छ । पाण्डेको हत्याका अभियोगमा शाहलाई ह्युस्टन प्रहरीले बुधबार ट्राफिक जामको समयमा पक्राउ गरेको थियो । उनको नाम र तस्बिरसमेत सार्वजनिक गरेको प्रहरीले जनाएको छ ।
हयुष्टन पुलिस डिपार्टमेन्टले ६३६३ वेष्ट एयरपोर्ट ब्लुवर्डमा गत सोमबार साँझ ५ः३५ बजे पाण्डेको शव उनकै अपार्टमेन्टमा फेला पारेको थियो । प्रहरीलाई अपार्टमेन्टको स्टाफले फोन गरेर जानकारी दिएको र सोही जानकारीका आधारमा अपार्टमेन्टमा प्रहरी टोली सोमबार पुगेका जनाइएको छ ।
त्यहाँ उनीहरूले गोलीको प्रहारपश्चात निधन भएकी एक युवतीको शव बरामद गरेका थिए । पछि उनीहरूले पाण्डे भएको जानकारी गराएका थिए । प्रहरीले बुधबार मात्र शंकास्पद व्यक्तिको तस्विर सार्वजनिक गरेको थियो । सोही दिन साँझ संदिग्ध साहलाई गिरफ्तार गर्न सफल भएका थिए ।
ह्युस्टन प्रहरीले शनिबार पश्चिम ब्युलवार्ड एयरपोर्ट नजिक रहेको मुनाको अपार्टमेन्टबाट एक प्रौढ उमेरका पुरुष बाहिरिँदै गरेको सिसीटिभी फुटेज सार्वजनिक गरेको थियो । यसअघि मुनाकै प्रेमीले उनको हत्या गरेको आँकलन गरिएको थियो ।
तर, प्रौढ उमेरका सिंहले के कारणले गर्दा मुनाको हत्या गरे भन्ने विषय भने खुलिसकेको छैन । अमेरिकी प्रहरीले यसबारे अनुसन्धान गरिररहेको छ ।
यता, नेपाली समुदायका अगुवाहरूले मुनाको न्यायको लागि प्रयास गरिरहने र संदिग्ध व्यक्तिलाई अधिकतम सजायको माग गरेका छन् ।
