३० भदौ, एजेन्सी ।
जर्मन बुन्डेसलिगामा बायर्न म्युनिखले फराकिलो जित निकालेको छ । शनिबार राति भएको खेलमा बायर्नले होल्स्टेन किलमाथि ६-१ गोलान्तरको जित निकालेहो थियो ।
अवे मैदानमा बायर्नलाई जिताउन कप्तान ह्यारी केनले ह्याट्रिक गोल गर्दा जमल मुसियाला र माइकल ओलिसेले एक-एक गोल गरे । बायर्नले एउटा आत्मघाती गोल उपहारमा पाएको थियो । होल्स्टेनका लागि भने अर्मेन गिगोभिकले एक गोल गरे ।
जितसँगै बायर्नले तीन खेलमा शतप्रतिशत जित निकाल्दै ९ अंक जोडेको छ ।
