११ कार्तिक ,काठमाण्डौ।
आईसीसी विश्वकप लिग–२ अन्तर्गत त्रिकोणात्मक एक दिवसीय सिरिजको आफ्नो पहिलो खेलमा आज अमेरिकामा नेपालले र अमेरिकासँग भिड्दै । स्कटल्यान्ड सम्मिलित त्रिदेशीय एक दिवसीय सिरिज अन्तिमबाट दोस्रो स्थानमा रहेको नेपालका लागि आगामी विश्वकपमा पुग्नका लागि समेत निक्कै महत्वपूर्ण रहेको छ ।
अमेरिकाको डालासस्थित ग्रान्ड प्रेरि स्टेडियममा हुने खेल राति सवा ९ बजे सुरु हुनेछ। सिरिजमा पहिलो खेल खेल्न लागेको नेपाली टोली सुःखद सुरुवात गर्ने योजनामा छ। उता आफ्नो पहिलो खेलमा स्कटल्यान्डसँग १० विकेटले पराजित भएको अमेरिका नेपाललाई पराजित गर्दै पहिलो जितको खोजीमा हुनेछ।
क्यानडामा सिरिज खेलेर अमेरिका पुगेको नेपाली टोली त्यहाँ तीन खेलको टी–२० सिरिज खेलेको थियो। तीन खेलको सिरिजमा नेपालले क्लीनस्विप गरेको थियो। तर अमेरिका ए सँगको एक दिवसीय अभ्यास खेलमा भने नेपाली टोली पराजित भएको थियो।
पछिल्लो समय ओडीआईमा खराब प्रर्दशन गर्दै आएको नेपाली टोली पुराना नतिजालाई बिर्सेर सिरिजमा नयाँ सुरुवात गर्ने योजनामा रहेको छ । नेपाल र अमेरिका हालसम्म ओडिआईमा ७ पटक आमने सामने भएका छन् ।
जसमा ४ खेलमा नेपालले जित हात पार्दा २ मा पराजित भएको छ । नेपाल र अमेरिकाबीचको १ खेल भने बराबरीमा सकिएको छ । नेपालले घरेलु भुमीमा अमेरिकाविरुद्ध खेलेको दुई खेलमा शतप्रतिशत जित निकालेको छ ।
अमेरिकाको घरेलु भुमीमा भने नेपालले १ खेलमा हार र १ मा बराबरीको नतिजा निकालेको थियो । तथस्ट भुमिमा भएको खेलमा भने नेपालले १ मा हार र २ मा जित निकालेको छ । नेपाल र अमेरिकाबीच भएको पछिल्लो खेलमा नेपालले जित हात पारेको थियो ।
जिम्बाब्वेमा गत वर्ष भएको खेलमा नेपालले अमेरिकालाई ६ विकेटले हराएको थियो । सो खेलमा अमेरिकाले दिएको २ सय ८ रनको लक्ष्य नेपालले ४३ ओभरमा ४ विकेट गुमाएर पूरा गरेको थियो ।
आईसीसी विश्वकप लिग–२ मा ८ खेल खेलिसकेको नेपाली टोलीले एक खेलमा जित निकालेको छ। लिगका ८ खेलमा ६ खेलमा हार भोगेको नेपाल ३ अंकमा तालिकाको सातौँ स्थानमा छ।
नेपालभन्दा एक खेल कम खेलेको यूएई २ अंकमा पुछारमा छ। लिग–२ मा सबैभन्दा धेरै खेल खलेको क्यानडा शीर्ष स्थान र नामिबिया पाँचौँ स्थानमा छन्। लिगका १२ खेलमा ८ खेलमा जित र ४ खेलमा हार भोगेको क्यानडा १६ अंकमा तालिकाको शीर्ष स्थानमा छ।
लिगमा ९ खेलेको अमेरिका ६ खेलमा जित र ३ खेलमा हार भोग्दै १२ अंकमा तालिकाको दोस्रो स्थानमा छ। समान १२ अंक भएपनि अमेरिकाभन्दा एक खेल कम खेलेको नेदरल्यान्ड्स तेस्रो स्थानमा छ।
लिगमा ८ खेलेको स्कटल्यान्ड ५ खेलमा जित र २ खेलमा हार भोग्दै ११ अंकमा तालिकाको चौथो स्थानमा छ। १० अंकमा नामिबिया पाचौँ र ६ अंक भएको ओमान छैटौँ स्थानमा छ। सिरिजकै लागि लेग स्पीनर सन्दीप लामिछाने अमेरिका पुगिसकेका छन्।
सिरिजका लागि नेपाल क्रिकेट संघ (क्यान) ले रोहित पौडेलको कप्तानीमा नेपाली टोली घोषणा गरिसकेको छ। नेपाली टोलीमा रोहितसहित कुशल भुर्तेल, आसिफ शेख, अनिल साह, भीम सार्की, आरिफ शेख, कुशल मल्ल, दीपेन्द्र सिंह ऐरी, अर्जुन साउद, सोमपाल कामी, करण केसी, गुल्सन झा, रिजन ढकाल, सन्दीप लामिछाने र ललित राजवंशी रहेका छन् ।
देव खनाल र सागर ढकाललाई भने रिजर्भमा राखिएको छ । नेपाली क्रिकेट टीम क्यानडामा लिग २ र त्यसपछिको टी २० सिरिजसहित केही मैत्रीपूर्ण अभ्यास खेल खेलेर अमेरिका प्रस्थान गरेको हो ।
नेपालको क्यानडा भ्रमण भने उपलब्धिपूर्ण हुन् सकेन् ।क्यानडामा नेपालले हासिल गरेको उपलब्धि भनेको एक खेल वर्षाका कारण अवरुद्ध भएपछि पाएको अंक मात्रै हो । लिग–२ मा नेपालले अमेरिकासँग २७ अक्टोबर र २ नोभेम्बर अर्थात आज कात्तिक ११ र यही १७ गते तथा स्कटल्यान्डसँग २९ अक्टोबर र ४ नोभेम्बरमा यहीम मंगलबार कात्तिक १३ र १९ गते खेल्नेछ ।
टि–२० आई सिरिज अघि भएको लिग टु मा पनि क्यानडाले चार खेलमा शत प्रतिशत नतिजा निकालेको थियो । क्यानडा भ्रमणमा कुनै पनि खेलमा नेपालले क्यानडालाई पराजित गर्न सकेन् । अमेरिकामा नेपालले क्यानडाको गल्ती सुधार गर्दै जितको लक्ष्य बोकेको छ ।
