२९ जेठ , काठमाण्डौ।
यतिबेला एउटा निकै नै स्तब्ध बनाउने खबर काभ्रेबाट आएको छ। हामी यहाँहरु माँझ यही दुखद दुर्घटनाको खबरका साथमा उपस्थित भएका छौ। बीपी राजमार्गमा एउटा ठूलो दुर्घटना भएको छ, जसले पूरै क्षेत्रलाई अहिले स्तब्ध बनाएको छ।
बनेपाबाट रोशी गाउँपालिकाको खार्पाचोक हुँदै सुँगुरेतर्फ जाँदै गरेको बा३ख ८३९८ नम्बरको यात्रुवाहक बस नमोबुद्ध नगरपालिका–२, बुच्चाकोटमा अचानक दुर्घटनामा परेको छ। यो भयानक दुर्घटनामा परी ७ जनाको घटनास्थलमै ज्यान गइसकेको छ।
घटनास्थलको दृश्य हेर्दा जो कोहीको पनि आङ सिरिङ्ग हुन्छ । गाडी सडकबाट तल खस्ने बित्तिकै त्यहाँ ठूलो चित्कार सुनिएको स्थानियको भनाई छ । प्रहरी र स्थानीय टोली पुग्दा दृश्य एकदमै दर्दनाक थियो। प्रहरीले घटनास्थलबाट तुरुन्तै शवहरू संकलन गर्न सुरु गरेको थियो।
सुरुमा बसको अवस्था र मानिसहरूको क्रन्दन हेरेर निकै ठूलो संख्यामा हताहती भएको आशंका गरिएको थियो। तर, अहिलेसम्म आधिकारिक रूपमा ७ जना यात्रुको दुःखद निधन भएको पुष्टि काभ्रे प्रहरीले गरेको छ। मृतकहरूको पहिचान खुलाउने प्रयास भइरहेको छ।
दुर्घटना हुनासाथ स्थानीयबासीहरू आफ्नो ज्यानको पर्वाह नगरी भिरमा ओर्लिएका थिए। बसभित्र र आसपास छरिएर रहेका १५ जना घाइतेहरूलाई रक्ताम्मे र अर्धचेत अवस्थामा उद्धार गरिएको छ । उनीहरूलाई एम्बुलेन्स र स्थानीय गाडीहरूमा हालेर तुरुन्तै नजिकैको अस्पतालतर्फ कुदाइएको छ।
घाइतेमध्ये केहीको अवस्था निकै गम्भीर रहेको बताइएको छ।काभ्रेका डीएसपी रविन बिष्टको कमाण्डमा प्रहरी टोली र स्थानीयबासी मैदानमा छन ।घटनाको संवेदनशीलतालाई हेर्दै काभ्रेका डीएसपी रविन बिष्ट आफैं उद्धार टोलीको नेतृत्व गर्दै घटनास्थलमा खटिएका छन्।
यो विषय प्रतिनिधिसभा बैठकमा समेत उठेको छ। सरकारलाई निरन्तर हुने दुर्घटनाको कारण र न्युनिकरणका लागि सरकारको ध्यानाकर्षण गराइएको छ । हामी यस घटना बारे थप अपडेटका साथ उपस्थित हुनेनै छौ । नेपाल टाइम्स अनलाइन टेलिभिजनँ हेर्दै गर्नुहोला
