१९ असोज , काठमाण्डौ ।
नेपाली कांग्रेसको १५औँ महाधिवेशनअन्तर्गत हुने केन्द्रीय कार्यसमितिको निर्वाचनमा उम्मेदवारी दर्ता गर्दा पदअनुसार फरक–फरक मनोनयन दस्तुर बुझाउनुपर्ने ।
कांग्रेस केन्द्रीय निर्वाचन समितिले सार्वजनिक गरेको मनोनयन दस्तुरसम्बन्धी विवरणअनुसार सभापति पदका उम्मेदवारले ४० हजार रुपैयाँ दस्तुर बुझाउनुपर्नेछ भने केन्द्रीय उपसभापति र महामन्त्री पदका उम्मेदवारका लागि ३० हजार रुपैयाँ मनोनयन दस्तुर तोकियो ।
सहमहामन्त्री पदमा उम्मेदवारी दिनेले २० हजार रुपैयाँ बुझाउनुपर्नेछ भने केन्द्रीय सदस्य पदका उम्मेदवारका लागि भने ११ हजार रुपैयाँ मनोनयन दस्तुर निर्धारण गरिएको निर्वाचन समितिको भनाइ ।
निर्वाचन समितिले सार्वजनिक गरेको दस्तुरसम्बन्धी विवरणअनुसार सबैभन्दा बढी सभापति पदका उम्मेदवारका लागि ४० हजार रुपैयाँ तोकिएको छ भने सबैभन्दा कम केन्द्रीय सदस्य पदका उम्मेदवारका लागि ११ हजार रुपैयाँ दस्तुर निर्धारण ।
निर्वाचन समितिका अनुसार साँझ ५ बजे मतदाता नामावली प्रकाशन हुनेछ भने त्यसपछि साँझ ५ बजेदेखि साढे ६ बजेसम्म नामावलीविरुद्ध दाबी–विरोधका लागि समय छुट्याइयो ।
निर्वाचन कार्यतालिकाअनुसार मंगलबार बिहान उम्मेदवारी मनोनयन दर्ता हुनेछ भने मतदान भने बिहीबार बिहानदेखि हुने कांग्रेस निर्वाचन समितिको भनाइ ।
