मोरङ, कार्तिक २७
मोरङको कटहरी गाउँपालिका–२ स्थित रेल्वे ट्रयाकबाट प्रहरीले सोमबार लागूऔषध सहित २ जनालाई पक्राउ गरेको छ ।
वडा प्रहरी कार्यालय हाटखोलाबाट खटिएको टोलीले लागूऔषध सहित कटहरी गाउपालिका–२ बस्ने २९ वर्षीय मोहम्मद महताज र २० वर्षीय अनिल कुमार यादवलाई पक्राउ गरेको हो ।
उनीहरुलाई राती करिब १० बजेको समयमा शंका लागि चेकजाँच गर्ने क्रममा लागूऔषध नाईट्रोसन ट्याब्लेट–९१ पिस, स्पास्मोप्रोक्सिभन–७ पिस बरामद गरिएको छ । पक्राउ परेका उनीहरुमाथि थप अनुसन्धान भईरहेको उक्त कार्यालयले जनाएको छ ।
