एजेन्सी, मंसिर १
अन्तर्राष्ट्रिय मैत्रीपूर्ण खेलमा ब्राजिलले उरुग्वेलाई १–० ले पराजित गरेको छ । लन्डनमा भएको मैत्रीपूर्ण खेलमा ब्राजिलले दक्षिण अमेरिकी परम्पारगत प्रतिद्धन्द्धी उरुग्वेलाई पराजित गरेको हो ।
ब्राजिलले विवादास्पद पेनाल्टीबाट गोल गर्दै खेलमा अग्रता बनाएको थियो । ७५औं मिनेटमा ब्राजिलका डानिलोलाई उरुग्वेका डियागो लाछाल्टले लडाएको भन्दै रेफ्रीले पेनाल्टीको मौका दिएको थियो । जसमा नेमयारले गोल गरे ।
तनावपुर्ण बनेको खेलमा रेफ्रीले दुवै टिमका खेलाडीलाई ८ पहेलो कार्ड देखाएका थिए । त्यसअघि नेयमारले खेलको १०औं मिनेटमा गोल गरेपनि रेफ्रीले अफसाइड दिएका थिए ।
ब्राजिल विश्वकपको क्वाटरफाइनलमा बेल्जियमसँग २–१ ले पराजित भएयता पराजित भएको छैन । उरुग्वेले भने विश्वकपको क्वाटरफाइनलमा फ्रान्ससँग पराजित भएयताको चार खेलमा १ खेलमा मात्रै जित हात पारेको छ ।
