एजेन्सी, मंसिर १
जरी युइएफए नेसन्स लिग फुटबलमा नेदरल्यान्डले विश्वविजेता फ्रान्सलाई पराजित गरेको छ । फ्रान्स नेदरल्यान्डसँग २–० ले स्तब्ध भएको हो ।
नेदरल्यान्डको घरेलु मैदानमा भएको प्रतिस्पर्धात्मक खेलमा घरेलु टोली नेदरल्यान्डले पहिलो हाफ सकिन १ मिनेट बाँकी रहँदा जर्जिन्हो वाइनाल्डमको गोलबाट अग्रता लिएको थियो । जर्जिन्हो वाइनाल्डमले रायन बाबेलको पासमा गोल गरेको थिए ।
दोस्रो हाफमा सिसोकोले डि–बक्समा डि जङलाई लडाएपछि नेदरल्यान्डले पेनाल्टीको मौका पाएको थियो । इन्जुरी समयको थप गरिएको छैटौ मिनेटमा मेम्फिस डिपेले पेनाल्टी मार्फत गोल गर्दै नेदरल्यान्डलाई २–० को जित दिलाए ।
जितपछि नेदरल्यान्डले समूह १ बाट प्ले अफमा प्रवेश गरेको छ । विश्वविजेता फ्रान्सले नेदरल्यान्डसामु राम्रो खेल्न नसक्दा पराजित हुन पुग्यो ।
दरल्यान्डको ३ खेलबाट ६ अंक पुगेको छ । हारपछि पनि ७ अंक जोडेर समूहको शीर्ष स्थानमा रहेको फ्रान्सले प्ले अफमा प्रवेश गर्दा १ अंक जोडेको जर्मनी रेलिगेसनमा परेको छ ।
