विराटनगर,मंसिर ६
पर्यटन व्यबसायलाई प्रोत्साहन गर्दै उद्योग पर्यटन वन तथा वातावरण मन्त्री जगदीश कुसियतको पहलमा विराटनगरबाटै माउन्टेन फ्लाइट गरिने भएको छ । माउन्टेन फ्लाईटको मंसिर ८ गते शनिबार उद्घाटन गर्ने कार्यक्रम तय गरिएको छ ।
माउन्टेन फ्लाइटको उद्योग पर्यटन वन तथा वातावरण मन्त्री जगदीश कुसियत, आन्तरिक मामिला तथा कानुन मन्त्री हिक्मत कार्की, सामाजिक विकास मन्त्री जिवन घिमिरे, आर्थिक मामिला तथा योजना मन्त्री इन्द्रबहादुर आङ्बोको उपस्थितीमा मुख्यमन्त्री शेरधन राईले उद्घाटन गर्ने कार्यक्रम रहेको छ ।
एक नम्बर प्रदेशका नागरिक तथा बोर्डर आसपास भारतको बिहार, बंगाल र सिक्कीमका पर्यटक लक्षित गरि उडान गर्न लागिएको विराटनगर एशोसियसन अफ ट्राभल्स एजेन्टका अध्यक्ष फणिन्द्र अधिकारीले जानकारी दिए ।
‘विराट होलिडेज’ नामक संस्थाले यति एयरलाइन्ससँगको साझेदारीमा विराटनगर विमानस्थलबाट हरेक शनिबार माउन्टेन फ्लाईट गराउने भएको हो । माउन्टेन फ्लाईटमा कन्जनजंघा, मकालु र सगरमाथाको दृश्यावलोकन गर्न सकिनेछ ।
