काठमाडौँ,मंसिर १६
चीनमा जारी मिस वल्र्ड २०१८ को ‘हेड टु हेड’ च्यालेन्जबाट नेपालकी शृङ्खला खतिवडा बाहिरिएकी छिन् । सिंगापुरकी भेनेसा पहेसँग प्रतिस्पर्धा गरेकी उनी भेनेसाको उत्कृष्ट प्रस्तुति सँगै शृङ्खला कमजोर देखिएकी हुन्।
यो प्रतिस्पर्धा हारेपछि आफ्नो कमजोरी स्वीकार्दै उनले आफ्नो प्रस्तुतिमा भएको कमजोरीले गर्दा पराजित भएको स्वीकार गरेको भिडियो युट्युबमा अपलोड गरेकी छिन् । नेपालीको माया र भोटले आफू निकै अगाडि पुगेको भन्दै उनले हारेर नेपालीलाई निराश बनाएकोमा माफी मागेकी छन्।
भेनेसाको प्रस्तुति निकै राम्रो भएकाले उनले जितेकी शृंखलाको भनाइ छ। टप ३० मा पुग्नेगरी भएको ‘हेड टु हेड च्यालेन्ज’को दोस्रो राउन्डमा २० देशका प्रतिस्पर्धी थिए। ‘हेड टु हेड च्यालेन्ज’बाट बाहिरिएपनि उनी टप ३० मा पुग्ने सम्भावना भने अझै बाँकी नै छ। ३० मध्ये बाँकी १७ प्रतिस्पर्धामा कुनै पनि जितेमा उनी टप ३० मा पुग्न सक्नेछिन्।
भेनेसा साथी भएको भन्दै उनलाई कसैले नराम्रो नभन्न शृंखलाले आग्रह गरेकी छन्। उनले बताएकी छन्। ‘टप ३० मा पुग्ने अझै १७ प्रतिस्पर्धा बाँकी रहेकाले सम्भावना बाँकी छ, अहिले नै निराश नहुन आग्रह गर्छु।’
बीचबीचमा भन्नुपर्ने कुरा छुटेकोले पराजित हुनु परेको भन्दै उनले आफ्नो कमजोरी स्वीकार गरेकी छन्। एक मिनेट ३० सेकेन्डको समय सीमामा आफ्ना धेरै कुरा भन्न नपाएको उनको भनाइ छ।
https://youtu.be/4zOA-DIB4TI
https://www.facebook.com/297574443671301/videos/1479115658858802/?t=0
