तेह्रथुम, मंसिर २२
तेह्रथुमको मेन्छयम गाउँपालिका–५ चुच्चेढुङ्गा बस्ने पूर्ण बहादुर लिम्बुकोघरमा आगलागी हुँदा अन्दाजी ३ लाख मूल्य बराबरको क्षति भएको छ ।
शुक्रबार बिहान साढे ९ बजेको समयमा चुल्होबाट आगो सल्कन गई फुसको छानो भएको घरमा आगलागी भएको थियो । आगलागीबाट घर तथा घरभित्र रहेका सर–सामान जलेर नष्ट भएको छ ।
आगलागी दिउँसो साढे बाह्र बजे अस्थाई प्रहरी चौकी बमोराहाङबाट प्रहरीको टोली र स्थानीयबासीले नियन्त्रणमा लिएको जिल्ला प्रहरी कार्यालय तेह्रथुमले जनाएको छ ।
