काठमाडौँ, मंसिर २२
नेपाली चलचित्र ‘जय श्री दाम’को ट्रेलर सार्वजनिक भएको छ । पुस २० गते रिलिज हुने सो चलचित्रको ट्रेलर शुक्रवार युट्युबमार्फत सार्वजनिक गरिएको हो ।
सार्वजनिक ट्रेलरमा चलचित्रका मुख्य कलाकारहरू अमृत ढुङ्गाना, विनोद न्यौपाने , राजन खतिवडा, जेविका कार्की, प्रमोद अग्रहरी फिचर्ड छन् ।
ट्रेलरमा पैसाका लागी दुई युवाले ब्ल्याकमेल गरेको देखाइएको छ भने यता अमृत र जेविकाको जोडीलाई रमाइलो ढङ्गमा प्रस्तुत गरिएको छ ।चलचित्रलाई ‘मङ्की टेम्पल प्रोडक्सन’, ‘क्रेजी ह्याण्डस् प्रोडक्सन’ र ‘नेशनल मिडिया प्रोडक्सन’को संयुत्तरुपमा निर्माण गरेका हुन् ।
विप्लोप उप्रेतीले निर्देशन गरेको सो चलचित्रमा कार्यकारी निर्मातामा पृथ्वी उप्रेती र मनोज उप्रेती छन् भने सह– निर्मातामा मित्र डी गुरुङ र रविन आचार्य छन्।
निर्देशक उप्रेतीसँगै अमरद्विप सापकोटाको पटकथा रहेको ‘जय श्री दाम’मा नवराज उप्रेतीको छायाङ्कन तथा मित्र डी गुरुङको सम्पादन रहेको छ।
https://youtu.be/gPsqv-EN8Ys
