रंगेली : रंगेली– ४ आमतोलामा जग्गा धनी आफ्नो जग्गा जोत्न जाँदा स्थानीयसँग जुध्नुपरेको छ । जग्गामा कमाई खाँदै आएका ब्यक्तिका आफन्त र जग्गाधनी पक्षबीच कुटाकुट चल्दा तीनजना पक्राउ परेका छन् ।
जग्गाधनी तानसेन शर्माका छोरा सञ्जय शर्मा खेत जोत्न ट्याक्टरसहित विराटनगरबाट बिहीबार रंगेली पुगेका थिए । खेतमा ट्याक्टर छिर्नेबित्तिकै जमिन भोग गर्दै आएका परमेश्वर मुर्मु पक्ष र जग्गाधनीपक्षबीच कुटाकुट चलेको थियो ।
सो क्रममा सञ्जय शर्मा, मीनबहादुर तामाङ, अनिल मण्डल, ट्याक्टर चालक घाईते भएको जनाउँदै जग्गाधनी शर्माले इलाका प्रहरी कार्यालय रंगेलीमा जाहेरी दिएका थिए ।
जग्गाधनीलाई खेत जोत्नबाट अवरोध गर्दै कुटपिटमा संलग्न रहेको आरोपमा स्थानीय गौरव मण्डल, देवेश मुर्मु, सुमन हेमरनसहित ४ जना पक्राउ परेका छन् ।
जग्गाधनीसँग मोहीको मुद्दा गर्दै आएका परमेश्वर मुर्मुले मोहीको हक नलाग्ने जमिनमा जमिनमा पनि जोतभोग दाबी गर्दै आएको स्थानीयको भनाई छ ।, यो समाचार आजको उद्घोष दैनिकमा छापिएको छ ।
