विराटनगर, पुस १२
प्याजेन्ट नेपालको आयोजनामा विराटनगरमा पूर्वाञ्चल फेशन शो हुने भएको छ । प्याजेन्ट नेपालले बिहीबार विराटनगरमा पत्रकार सम्मेलन गरी फेशन शो गर्न लागेको जानकारी दिएको हो ।फेशन शो विराटनगरको अतिथी सदनमा हुने छ ।
नेपालका चर्चित फेशन डिजाईनरहरुले तयार पार्ने उत्कृष्ट डिजाईनमा तयार पारिएका पहिरनलाई राष्ट्रिय अन्तराष्ट्रिय क्षेत्रमा प्रवद्र्धन गर्ने उद्देश्यले फेशन शो को आयोजना गर्न लागेको प्याजेन्ट नेपालको सिईओ तथा फेशन डिजाईनर ममथा बस्नेतले पत्रकार सम्मेलनमा बताईन् ।
फेशन शो का लागि आयोजकले छनौट प्रक्रिया शुरु गरिसकेको छ ।विराटनगरमा पुष १४ गते र २१ गते यसको छनौट पक्रिया हुने जनाईएको छ । फेशन शो मा पुरुष तथा महिलले सहभागिता जनाउन सक्नेछन् ।
उक्त शोमा नेपालकै चर्चित कोरियोग्राफरको कोरियोग्राफीमा १ हप्ते निःशुल्क तालिम समेत हुने छ । देश तथा विदेशमा विभिन्न फेशन शो गरिसकेको प्याजेन्ट नेपालले ख्याती प्राप्त राष्ट्रिय तथा स्थनिय कलाकारको उपस्थितीमा विराटनगरमा पहिलोपटक फेशन सो गराउन लागेको हो ।
