विराटनगर, पुस १५
फरार प्रतिवादी पक्राउ अभियान अन्तरगत जिल्ला प्रहरी कार्यालय मोरङ तथा मातहत कार्यालयहरुबाट खटिएको प्रहरी टोलीले आज एकैदिन १९ जना फरार प्रतिवादीहरुलाई पक्राउ गरेको छ ।
जिल्ला अदालत मोरङबाट बिभिन्न मितिमा भएको फैसला आदेशले कैद तथा जरिवाना फैसला भई हाल सम्म फरार रहदै आएका ब्यत्तिहरुलाई पक्राउ गरिएको हो ।
अवहेलना मुद्धाका ६ जना र कुटपीट मुद्धाका १३ गरी कुल १९ जना फरार प्रतिवादीहरुलाई आज एकै दिन पक्राउ गरिएको जिल्ला प्रहरी कार्यालय मोरङले जनाएको छ ।
पक्राउ परेका फरार प्रतिवादीहरुलाई तोकिएको कैद सजाय तथा जरिवाना भुक्तानीको लागि जिल्ला अदालत मोरङमा बुझाइएका प्रहरीले जनाएको छ
