विराटनगर : अङ्ग्रेजी नयाँ वर्ष २०१९ मनाउन भारतको विहार प्रान्तका बासिन्दाहरु नेपालको सिमावर्ती बजारमा आएका छन् ।,यो समाचार आजको उद्घोष दैनिकमा छापिएको छ ।
वितेको वर्षलाई स–सम्मान बिदाई गर्ने र नयाँ वर्षको स्वागतमा स्पष्टता र उत्साहका साथ मनाउन भारतीयहरुको गन्तव्य यसपटक नेपालको सिमावर्ती बजार बनेको हो ।
बिहार प्रान्तमा मदिरा बिक्री वितरणमा पुर्ण रोक लगाएकाले खासगरी विहारका बासिन्दाहरु नेपालमा नयाँ वर्ष मनाउन आएको बताईएको छ ।
विराटनगरको सीमावर्ती बजार रानी हुँदै विराटनगर, इटहरी, भेडेटार, हिले र धनकुटा लगायत सुरक्षित बजारमा सञ्चालनमा रहेका होटल तथा लजहरुमा बस्नका लागि सोमबार देखि नै भारतीय नागरिकहरुको भिँड लागेको छ ।
