सुनसरी, पुस २६
सुनसरीको बराहक्षेत्र नगरपालिका–८ बाट २४ बर्षीया महिलालाई जबरजस्ती करणी गरेको आरोपमा मेचीनगर नगरपालिका–११ घर भई सोही स्थान बस्दै आएका १९ बर्षीय बल बहादुर बिष्टलाई प्रहरीले पक्राउ गरेको छ ।
बुधवार राती करिब १२ बजेको समयमा दमक नगरपालिका–३ घर भई माईती आएकी महिलालाई जबरजस्ती करणी गरेको आरोपमा उनलाई पक्राउ गरिएको हो ।
बराहक्षेत्रका २३ वर्षीय रविन लिम्बु र बिष्टले महिलाको माईती घर देखी ५० मिटर पर जबरजस्ती करणी गरेको भनी स्थानीयवासीले जानकारी गराएपछि ईलाका प्रहरी कार्यालय महेन्द्रनगरको टोलीले बिष्टलाई पक्राउ गरेको हो । अर्का प्रतिवादी लिम्बु तत्काल फरार रहेकोले खोजतलास भईरहेको उक्त कार्यालयले जनाएको छ ।
