विराटनगर, पुस ३०
फरवार्ड कम्यूनिटि माईक्रोफाइनान्स वित्तिय संस्था लिमिटेडको छैठौँ वार्षिक साधारणसभा सुनसरीको दुहवीमा सम्पन्न भएको छ । दुहबी बजारमा केन्द्रीय कार्यालय रहेको सो माईक्रोफाइनान्स वित्तिय संस्थाको दुहवी स्थित दिनेश चौधरी स्मृति प्रष्ठिानको सभाहलमा आईतबार सम्पन्न भएको हो ।
साधारणसभाको संघीय भूमि व्यवस्था, सहकारी तथा गरीबी निवारण मन्त्री पद्मा अर्यालले उद्घाटन गरिन् । सो अबसरमा बोल्दै मन्त्री अर्यालले फरवार्ड कम्यूनिटि माईक्रो फाइनान्सले विपन्न परिवारका महिलाहरुलाई आर्थिक रुपले सक्षम बनाउन महत्वपूर्ण भुमिका खेलेको बताईन ।
मन्त्री अर्यालले सरकारले अब सवै सुकुम्बासीहरुलाई लालपुर्जा वितरण गर्ने र अबको १ वर्षपछि मुलुकमा कोहीपनि सुकुम्बासी नरहने दावी समेत गरिन् । कार्यक्रममा फाईनान्सकी अध्यक्ष भगवती चौधरीले देशका ३५ जिल्लाको २ लाख ३४ हजार महिला सदस्यहरुको माझमा सक्रिय माईक्रो फाईनान्सले छोटो अवधिमा महिलाहरुको बीचमा आर्थिक पहुँच विस्तारमा सक्रियतापूर्वक काम गर्दै आएको बताईन् ।
उनले २०६९ भदौं २८ गते स्थापना भएको फरवार्ड कम्युनिटी माइक्रोफाइनान्स वित्तिय संस्था मंसिर मसान्त सम्म देशका ३६ जिल्लाका ४ सय २३ गाउँ तथा नगरपालिकाका २ लाख ३३ हजार ९ सय १६ विपन्न परिवारमा पुग्न सफल भएको बताईन्् । संस्थाले ग्रामीण भेकमा बसोबास गर्ने, युवाहरु बेरोजगारीको चपेटामा परेका, वित्तीय अवसर नपाएकाहरुलाई विशेष प्राथमिकतामा राखेको उनले बताईन ।
२० प्रतिशत नगद र २५ प्रतिशत शेयर लाभांस वितरण
साधारणसभाका अबसरमा संस्थाले आफ्ना शेयर सदस्यलाई २० प्रतिशत नगद लाभान्स र २५ प्रतिशत शेयर लाभांस वितरण गरेको छ । संस्थालाई उक्त नगद लाभांश र शेयर बोनस वितरणका लागि नेपाल राष्ट्र बैंकले स्विकृति दिएको थियो ।सञ्चालक समितिले प्रस्ताव गरे बमोजिम २०७४ आषाढ मसान्तमा कायम रहेको चुक्ता पूँजी ३० करोड १ लाख ६५ हजार ७ सयको २०५ ले हुने नगद लाभांश रु ६ करोड ३३ हजार १ सय ४० (बोनस शेयर तथा नगद लाभांशमा लाग्ने कर समेत) वितरण गर्ने प्रस्ताव गरेको थियो ।
संस्थाले नेपाल राष्ट्र बैंकबाट वितरण गर्न स्वीकृत भए बमोजिम २०७४ आषाढ मसान्तमा कायम रहेको चुक्ता पूजीको २५५ ले हुन आउने रकम ७ करोड ५० लाख ४१ हजार ४२५ बराबर बोनस शेयरलाई वितरण गरेको छ । साधारणसभामा अध्यक्ष भगवती चौधरीले प्रस्तुत गरेको वार्षिक प्रतिवेदन, लेखापरीक्षण प्रतिवेदन पारित गरेको छ । साधारणसभाले आर्थिक वर्ष २०७५÷७६ का लागि लेखापरीक्षकको नियूक्ति र पारिश्रमिक निर्धारण गरेको छ ।
