विराटनगर, माघ ८
विराटनगरको बरगाछीमा टेम्पो दुर्घटना हुँदा पाँच जना घाइते भएका छन् । आज दिउँसो कोसी राजमार्ग अन्तर्गत बरगाछीमा उत्तरबाट दक्षिणतर्फ जाँदै गरेको को १ ह ७७४ नम्बरको टेम्पो सडकमा पल्टिएर दुर्घटना भएको थियो ।
दुर्घटनामा विराटनगर ५ का ३८ वर्षीय तवरेज आलम, विराटनगर १५ की २८ वर्षीय ममता साह,विराटनगर ११ की २५ वर्षीय सुमिक्षा बुढाथोकी, सुनसरी सोनापुरका ७० वर्षीय चन्द्रबहादुर राउत, र दुर्घटनामा परी घाइते भएकाहरुकोे विराट नर्सिङ होममा उपचार भइरहेको प्रहरीले जनाएको छ । घाइते मध्ये वृद्ध राउतको अवस्था गम्भीर छ ।
तीनवटा चक्का रहेकामा एउटा चक्का सडकको तल परेपछि टेम्पो त्यहीं पल्टिएको थियो । दुर्घटनामा परेको टेम्पोमा सामान्य क्षति पुगेको छ ।
