विराटनगर, माघ १५
पहिलो पाईला नेपाल विराटनगर शाखाले मोरङको पथरीशनिश्चरे –६ केचना स्थित श्री दुर्गा आधारभुत बिद्यालयमा अध्ययनरत १६० जना विपन्न तथा जेहेन्दार विद्यार्थीहरुलाई शैक्षिक सामाग्री वितरण गरेको छ ।
जर्मनीमा रहेकी अर्चना देवानले आफ्नी एक वर्षीया छोरी अरगिसा राईको जन्मदिनको अवसर पारेर प्रदान गरेको सहयोग पहिलो पाईला नेपाल विराटनगर शाखाको पहलमा स्थानीय जनप्रतिनिधि, बिद्यालय ब्यवस्थापन समितिका पदाधिकारीहरु, प्रधानाध्यापक लगायत विभिन्न ब्यक्तिहरुको उपस्थितीमा विद्यार्थीहरुलाई वितरण गरिएको हो ।
बिद्यालय अध्ययनरत गरिब तथा जेहेन्दार ३० छात्रछात्राहरुलाई झोलासहित कापीकलम लागयतका अन्य शैक्षिकसामग्रीहरु वितरण गरिएको संस्थाका सचिव ओम राउतले बताए ।
जन्मदिनको फजुल खर्चलाई नियन्त्रण गर्दै मानवीय, परोपकारी भावना राखी केही विद्यार्र्थीहरुको अध्ययनमा टेवा पुगोस भन्ने उद्धेश्यले शैक्षिक सामाग्री सहयोग गरिएको संस्थाका अध्यक्ष सुबास गौतमले बताए । विद्यालयमा हाल अंग्रेजी माध्यमबाट अध्ययन भईरहेको छ ।
