एजेन्सी,माघ १५
इटहरीका बाल गायक प्रितम आर्चाय भारतको जिटिभीबाट प्रशारण भइरहेको चर्चित रियालिटी शो सारेगमप लिटिल च्याम्सको उत्कृष्ट १५ मा पुग्न सफल भएका छन् ।
उनी उत्कृष्ट ३० बाट १५ मा पुगेका हुन । साढे सात लाख प्रतिष्पर्धीलाई उछिन्दै १५मा पर्नु इटहरीका लागि मात्र नभई देशकै गौरवको कुरा भएको इटहरीका नगरप्रमुख द्धारिकलाल चौधरीले बताएका छन् ।
साढे सात लाखका मध्येबाट १५ मा पुग्नुनै कठिन कुरा हो जुन उनले पार गरेको छन । अबका चरणमा प्रत्येक कार्यक्रमबाट एक एक जना मात्र हट्ने छन ।
उत्कृष्ट ३० मा पुगेपछि केही साता अगाडि इटहरी आउँदा उनलाई इटहरी उपमहानगरले सवै नगरवासीहरुको तर्फवाट भब्य स्वागत गरेको थियो ।
