विराटनगर, माघ १९
सामाजिक संस्था परिवर्तनका लागि हातेमालोको कटहरी शाखाले साप्ताहिक सरसफाई कार्यक्रम सम्पन्न गरेको छ । शखाले आज मोरङको कटहरीमा सडक तथा सडकको पेटी लगायतका ठाउँहरुमा सरसफाई गरेको थियो ।
सरसफाई कार्यक्रममा नेपाली काङ्ग्रेसका केन्द्रीय सदस्य अमृत अर्याल, विश्व सरसफाई अभियान्ता राजमान मानव लगायतको उपस्थिती रहेको थियो ।
कार्यक्रममा संस्थाकी उपाध्यक्ष स्वेता कामतले स्थानीय सरकारले सरसफाईमा सहयोग नगरेको गुनासो गरिन् । कार्यक्रममा बोल्दै नेपाली काङ्ग्रेस केन्द्रिय सदस्य अर्यालले एकदिन सफासफाई गरेर कुनै ठाउँ सफा नहुने बताउँदै आफ्नो ठाउँ सँधै सरसफाई गर्न स्थानीयलाई सुझाव दिएका थिए ।
उनले स्थानीय सरकारलाई भनेर फोहोर ब्यबस्थापनमा पहल गर्ने बताए ।
