विराटनगर : विराटनगर महानगरपालिकाले पाँचौँँ साफ च्याम्पियनसिप अघि नै सक्ने भन्दै दुई महिना अघि मुख्य बजारको सडकमा ढल बिच्छ्याउने काम सुरु गर्यो ।
साफ च्याम्पियनसिपको समुह चरणको खेल सकियो तर महानगरले मुख्य सडकमा ढल बिच्छ्याउने काम सकेको छैन । बैकल्पिक सडक नहुँदा विराटनगरको ब्यस्त बजार मेनरोड भद्रगोल बनेको छ ।प्रदेश १ को अस्थायी राजधानी विराटनगरको ब्यस्त बजार मेनरोड सहितका अन्धधुन्ध खनिँदा बजार क्षेत्र भद्रगोल बनेको हो ।
बजार जोड्ने सडकको काम नसकी महानगरले मुख्य सडक खनेपछि सर्वसाधारणलाई अस्पताल पुग्न गाह्रो भएको पब्लिक फोरम विराटनगरका संयोजक उत्तम ढुङ्गेल बताउँछन् । कछुवाका गतिका काम हुँदा सर्वसाधारणले सास्ती ब्यहोर्नुपर्ने उनको गुनासो छ ।, यो समाचार आजको उद्घोष दैनिकमा छापिएको छ ।
