विराटनगर, चैत २१
बिराटनगरका युवाहरुले हावाहुरी प्रभावित बारा जिल्लामा राहत सामाग्री वितरण गरेका छन् ।युवा अभियान्ता राकेश रोशन यादवको नेतृत्वमा बुधबार बारा पुगेका युवाहरुले करिब ७ लाख बराबरको राहत सामाग्री वितरण गरेका हुन् ।
बारा जिल्ला स्थित भारत बोर्डर छेउको बिकट देउताल गाउँपालिका वडा नम्बर ७ स्थित १०० परिवारलाई र फेटा गाउँपालिका वार्ड नम्बर १ मा ६६ वटा परिवारलाई राहत सामाग्री वितरण गरिएको युवा अभियान्ता राकेश रोशन यादवले जानकारी दिए ।
युवाहरु पीडितको घर– घरमा पुगी प्रत्येक परिवारलाई २ थान म्याट, १ थान त्रिपाल, झुल, सेफ्टी प्याड, भेष्ट पाईन्ट ,जिवनजल , फुरन दाना, टर्च लाईट , ५ वोटा चाउचाउ,६ वोटा बिस्कुट वितरण गरेका थिए ।
