विराटनगर, चैत २६
रातिदेखि नै मौसम बदली भई देशभरको मौसममा सामान्यदेखि पूर्ण बदली आएको छ । आज बिहानैदेखि विराटनगर,काठमाडौँ उपत्यका लगायत देशका कतिपय भू–भागमा मेघ गर्जनसहित बाक्लो बादल मडारिएको छ भने कहीँकहीँ हल्का वर्षा भएको छ ।
आज दिउँसोको मौसम प्रायस् दिनभरि नै बदली रहने मौसम पूर्वानुमान महाशाखाले जनाएको छ । महाशाखाका अनुसार देशका पूर्वी र मध्य भू–भागमा सामान्य बदली र पश्चिमी भूभागमा आंशिक बदली भई पुर्वी र मध्ये भु–भागका १– २ स्थानमा मेघ गर्जनसहित वर्षाको सम्भावना रहेको छ ।
आज दिउँसो र राति पनि पूर्वी र मध्य तराईका केही स्थानमा हुरी–बतास चल्ने सम्भावना समेत रहेको महाशाखाको महाशाखाले जनाएको छ । त्यस्तै हिमाली भेगका केही स्थानहरुमा हल्कादेखि मध्यम हिमपातको सम्भावना छ । राति देशका पूर्वी भू–भागमा आंशिकदेखि सामान्य बदली हुने र तराईका केही स्थानमा हुरी बतासको सम्भावना रहेको छ ।
बुधबार देशका प्राय : स्थानहरुमा मौसम सामान्यतया सफा रहने भए तापनि अपरान्हपश्चात पुनस् सामान्य बदली भई मेघ गर्जन सहित हल्का वर्षाको सम्भावना कायमै रहेको महाशाखाको अनुमान छ ।
