विराटनगर, वैशाख १३
मोरङको बुढीगंगा–४ स्थित मनमोहन स्मृति प्रतिष्ठान र मनमोहन स्मृति पोलिटेक्नीक इन्स्टीच्यूटले पूर्व प्रधानमन्त्री स्वर्गीय मनमोहन अधिकारीको सम्झना गरेको छ ।
स्वर्गीय अधिकारीको २० औँ स्मृति दिवसका अवसरमा सो प्रतिष्ठान र कलेजले जनताको हृदयमा वस्न सफल नेपालका प्रथम कम्यूनिष्ट प्रधानमन्त्री स्वर्गीय अधिकारीको सम्झना गरेको हो ।
सो अवसरमा स्वर्गीय अधिकारीको शालिकमा प्रतिष्ठानका सदस्य तथा नेकपा प्रदेश १ का सदस्य सत्यनारायण चौधरी, मनमोहन स्मृति पोलिटेक्नीक इन्स्टीच्यूटका प्राचार्य डा. शुभाष श्री पोखरेल, विद्यार्थी अभिभावक लगायतले माल्यार्पण गरेका थिए । सरल तथा सादा जीवन विताउने सवैका आर्दर्श नेतारुपमा परिचीत पूर्वप्रधानमन्त्री अधिकारीको २०५६ वैशाख १३ गने निधन भएको थियो ।
