३२ जेठ, विराटनगर। प्रदेश १ को राजधानी विराटनगर महानगरपालिकाका ३४ वटा चोकलाई वाइफाई जोन बनाइने भएको छ ।
विराटनगर महानगरका मेयर भीम पराजुलीले आगामी आर्थिक वर्षको योजनाबाट महानगरका विभिन्न ३४ वटा चोकलाई वाइफाई जोन बनाइने बताएका हुन ।विराटनगरको उत्तरी क्षेत्रमा रहेको पुष्पलालचोकबासीले स्थानीय चोकलाई हरियाली बनाउने अभियानको सुभारम्भ गर्दे मेयर पराजुलीले यस्तो जानकारी दिएका हुन्। उनले विराटनगरलाई स्वच्छ र हराभरा बनाउन महानगरपालिकाले विभिन्न कार्यक्रमहरु संचालन गरिरहेको पनि जानकारी दिए । चौतर्फी एकसाथ भइरहेको विकास निर्माणका कारण धुलाम्मे बनेको विराटनगरमा हरियाली बनाउने अभियान सुरु गरेका पुष्पलालचोकवासीले आपनो चोकलाई हराभरा, स्वच्छ र सुन्दर बनाउन वृक्षारोपण अभियान सुरु गरेका छन् ।
बृक्षारोपणसँगै चोकबासीले सरसफाईका साथै चोकस्थित संरचनालाई रंगरोगन गरेर आकर्षक बनाउन थालेका हुन् । स्थानीयले शनिबार बिभिन्न प्रजातिका ३६ वटा रुखबिरुवा रोपेर अभियान सुरु गरेका छन् । सो क्रममा चोकको तीनतर्फ स्वामीको रुख रुख रोपिएको छ भने सडककोबीचमा रहेका डिभाइडरमा अशोक र विभिन्न प्रजातिका फुलका बिरुवाहरु रोपिएका छन । चोकलाई स्वच्छ र हराभरा बनाउन स्थानिय युवाहरु लागि परेको परिवर्तनकालागि हातेमालोका अध्यक्ष विनोद चहरले जानकारी दिए ।
परिवर्तनकालागि हातेमालोले पनि विराटनगरमा लामो समयदेखि सरसफाई लगायत सचेतनाका लागि भित्ते चित्र लेखन अभियान गर्दे आएको छ ।
