२१ असार, विराटनगर ।
प्रदेश १ का आर्थिक मामिला तथा योजनामन्त्री इन्द्रबहादुर आङ्बोले असार १ गते सदनमा प्रस्तुत गरेको आगामी आर्थिक वर्ष २०७६/७७ को बजेट बहुमतले पारित भएको छ । केही दिनको छलफलपछि शुक्रबार बसेको प्रदेशसभा बैठकबाट बजेट बहुमतले पारित भएको हो ।
प्रदेशसभा बैठकमा मन्त्री आङ्वोले पेस गर्नुभएको विनियोजन विधेयक अन्तरगत सबै मन्त्रालयहरुको भिन्ना भिन्नै शिर्षकमा छलफल भएको थियो । प्रमुख प्रतिपक्षि दल नेपाली कांग्रेसका सांसद शिवनारायण गनगाईले बजेटमा प्रस्तुत गरिएको भैपरी आउने २ वटा शिर्षकमा एउटामा २ करोड र अर्काेमा एक अर्ब छुट्याइएको बजेट मध्ये २ करोडलाई घटाएर १ करोड बनाउन र एक अर्ब बजेटको भैपरि आउने शिर्षक हटाउन माग गर्दै कटौतिको प्रस्ताव पेस प्रस्ताव पेस गरेका थिए । उनले सो प्रस्ताव फिर्ता लिएनन् ।
जवाफमा आर्थिक मामिला तथा योजना मन्त्री आङ्वोले अर्थ मन्त्रालय जोगि बस्ने कुटी नभएको टिप्पणी गरे । प्रदेश सरकार हिजोको जिविस जस्तो नभएको टिप्पणी गर्दै उनले जननिर्वाचित राजनितिज्ञ बस्ने अड्डा भएकाले सरकारलाइ भैपरी आउ“दा र प्राथमिकता प्राप्त आयोजनामा बजेट अपुग हु“दा उक्त शिर्षकको बजेट उपयोग हुने बताए ।
प्रदेश एक सरकारले आर्थिक वर्ष २०७६/७७ का लागि ४२ अर्ब २० करोड बराबरको बजेट प्रस्तुत गरेको छ । बजेट पारित भएसँगै अब सरकारलाई बजेट खर्च गर्ने बाटो खुलेको छ ।
