२८ असार, विराटनगर ।
लगातार पारेको पानीका कारण विहार जलमग्न भएपछि भारतले सप्तकोसीका ढोका बन्द गर्न दबाब दिएको छ । बिहार जलमग्न भएपछि भारतले ढोका बन्द गर्न दबाब दिइरहेको सशस्त्र प्रहरी निरीक्षक सुरेन्द्र भण्डारीले बताए।
पानीको वहाव बढेपछि अहिले ५६ मध्ये ४१ ढोका खोलिएको छ ।। कोसी ब्यारेजमा रहेका प्रहरी सहायक निरीक्षक ईश्वरी दाहालका अनुसार एक लाख ५० हजार क्यूसेक पानीको मापनपछि खतरा मानिन्छ । शनिबार साँझ सप्तकोशी नदीमा पानीको बहाव ३ लाख ७ हजार ६५५ क्यूसेक पुगेको हो।
वर्षा निरन्तर जारी रहेकाले सप्तकोसीमा पानीको बहाव थप बढ्न सक्ने भन्दै प्रशासनले कोशी नदीका तटीय क्षेत्रका बासिन्दालाई सतर्क अवस्थामा रहन अपिल गरेको छ।
