३१ असार, उदयपुर ।
उदयपुरको रौतामाई नगरपालिका—८ डिल्लीवरमा मंगलबार बिहानको १ बजे पहिरोले पुरिएर स्थानीय ५५ बर्षीया रनमाया रिठ्ठा मगरको मृत्यु भएको छ भने मृतककै ९ बर्षीय नाती महेश ग्रान्जा मगर घाईते भएका छन ।
घरमा सुतिरहेको अबस्थामा एक्कासी आएको पहिरोले पुरीएर घरमा क्षति भएको भन्ने खबर प्राप्त भएसंगै ईलाका प्रहरी कार्यालय रौतामाईबाट खटिएको प्रहरी टोलीले बालकको जिवितै उद्धार गरेको छ । उनको धरान स्थित बि.पी.कोईराला स्वास्थ्य बिज्ञान प्रतिष्ठानमा उपचार भईरहेको छ । मृतकको शव बिहान साढे ८ बजे पुरीएको स्थानबाट निकालिएको जिल्ला प्रहरी कार्यालय उदयपुरले जनाएको छ ।
