१० साउन, काठमाडौँ ।
सिंगापुरमा जारी आईसीसी टी–२० एसिया विश्वकप छनोटमा शनिबार नेपालले कुवेतसँग प्रतिस्पर्धा गर्दैछ ।खेल नेपाली समय ७ :१५ बजे बिहान इन्डीएन एसोसीएसन मैदानमा सुरु हुनेछ।
शुक्रबारका दुवै नतिजा नेपालको आवश्यकता अनुसार आएका छन् । शुक्रबारको दोस्रो खेलमा सिंगापुरले मलेसियालाई ८ विकेटले पराजित गरेको छ । यस अघि पहिलो खेलमा कुवेतले कतारलाई १० रनले पराजित गरेको थियो ।
अब नेपालले शनिवार कुवेत र आईतबार सिंगापुरलाई पराजित गरे सोझैं ग्लोबल छनोटमा स्थान बनाउने छ । यो दुई नतिजाले नेट रनरेट बाधक बन्ने छैन ।आजको हारसँगै मलेसिया र कतार भने एक खेल बाँकी हुँदै प्रतियोगिताबाट बाहिरिएका छन् ।
सिंगापुर ३ खेलमा २ मा जितका साथ ५ अंक जोड्दै शीर्षस्थानमा छ । एक खेल वर्षाको कारण रद्द भएको थियो । आइतबार नेपाललाई हराउन सके सिंगापुर अघिल्लो चरणमा प्रवेश गर्ने छ ।
कुवते ३ खेलमा समान १ मा हारका जितका साथ दोस्रो स्थानमा रहेको छ । नेपाल २ खेलमा समान १ खेलमा जित हारका साथ तेस्रो स्थानमा छ ।कुवेत र सिंगापुरलाई हराउन सके ग्लोबल छनोटमा स्थान बनाउने छ । यी दुई खेल मध्य एक हारे वा वर्षाको कारण रद्द भए नेपालको संभावना अंक गणितीय झिनोमात्रै बाँकी रहने देखिन्छ ।
मलेसिया ३ खेलमा २ मा हार १ जितका साथ चौथो स्थानमा रहँदा अघिल्लो चरण समाप्त भएको छ । ३ खेलमा २ मा हारका र १ मा जितका साथ पुछारमा रहेको कतार पनि प्रतियोगिताबाट बाहिरिएको छ ।
