१३ साउन, विराटनगर ।
चोरी गरेको आरोपमा मोरङ प्रहरीले एक जनालाई पक्राउ गरेको छ । गत साउन ७ गते विराटनगर– १ बस्ने मोतीराज दाहालको घरबाट १३ लाख ५० हजार नगद चोरी गरेको अभियोगमा मोरङ कटहरी गाउँपालिका – १ बस्ने सुरज कामतलाई आइतबार प्रहरीले पक्राउ गरेको हो ।
पक्राउ परेका कामतको साथबाट चोरी गरेको नगद.३ लाख ८१ हजार र १ लाख ५ हजार रुपैया पर्ने सामसुङ मोबाईल समेत बरामद गरिएको जिल्ला प्रहरी कार्यालय मोरङले जनाएको छ । उक्त मोबाईल सेट चोरी गरेको रकमबाट खरिद गरेको अनुसन्धानबाट खुलेको छ भने यसबारे थप अनुसन्धान जारी रहेको जनाईएको छ ।
