एजेन्सी । अमेरिकाको ट्रम्प प्रशासनले इरानको मामिलामा भारत र चीनको सहयोग प्रति खुशी ब्यक्त गरेको छ । ह्वाइट हाउसले जारी गरेको एक विज्ञप्तीमा चीनले पनि इरानलाई नच्यापी अमेरिकालाई आफनो ब्यापारिक सहयोगीका रुपमा चयन गरेकोमा सन्तुष्ट भएको उल्लेख गरेको छ ।
यसबीच अमेरिको वित्त मन्त्रालयले इरानका विदेशमन्त्री जावेद जरिफमाथि प्रतिबन्ध लगाएको छ । अर्थ मन्त्री स्टिव न्युकिनले जरिफ इरानको सर्वोच्च नेताको एजेन्डालाई लागु गर्नमा लागेको आरोप लगाएका छन् । उनी इरानी सत्ताका मुख्य प्रवक्ता हुन् । इरानी शासनको ब्यवहार पुर्ण रुपमा अस्विकार्य भएको अमेरिका प्रष्ट पार्न चाहन्छ ।
अमेरिकाले गतबर्ष नोभेम्बरमा इरानमाथि परमाणु कार्यक्रमको जानकारी लुकाएको आरोप लगाउँदै प्रतिबन्ध लगाएको थियो । त्यसपछि करिब सबै देशले इरानसँगको ब्यापार बन्द गरेको थियो । भारत सहित केही देशलाई ब्यापार अन्त्य गर्नका लागि ६ महिनाको छुट दिएको थियो । यस अवधिमा सबै प्रकारका लेनदेनसँग सम्बन्धित सम्झौता अन्त्य गर्न भनिएको थियो ।
इरानले जुलाई महिनामा १ लाख ब्यारेल प्रतिदिन तेल निर्यात गरिरहेको नाम उल्लेख नगर्ने सर्तमा ह्वाइट हाउसका एक अधिकारीले जानकारी दिए । केही महिना अगाडीसमम इरान प्रत्यक दिन ७ दशमलव ८१ ब्यारेल तेल निर्यात गर्दथ्यो ।
