श्रावण १७ सिरहा । सिरहाको गोलवजारमा प्रतिबन्धित लागुऔषध सहित एक ब्यापारी महिला पक्राउ परेकी छन् ।
सिरहाको गोलवजार नगरपालिका १२ बस्ने ४२ बर्षीया सियाकुमारी महतोलाई लागुऔषध १ केजी ५ सय ग्राम गाँजासहित प्रहरीले पक्राउ गरेको हो ।
विशेष सूचनाको आधारमा ईलाका प्रहरी कार्यालय गोलवजारबाट खटिएको प्रहरी टोलीले ४६ बर्षीय महतोको घरमा खोज तलास गर्दा लुकार्ई राखेको कागजको पोका ३७ थान,प्लाष्टिकको झोला २ थानमा राखेको १ केजि ५ सय ग्राम गाँजा र ३ हजार ४ सय ४४ रुपैया घरबाट वरामद भएको प्रहरीले जनाएको छन ।
पक्राउ परेकी महतोलाई थप अनुसन्धानको लागि जिल्ला प्रहरी कार्यालय सिरहामा राखिएको जिल्ला प्रहरी कार्यालय सिरहाका प्रवक्ता अपिलराज वोहराले बताए ।
पछिल्लो समय अवैध लागुऔषध कारोवारमा महिलाको सहभागिता बढेको देखिएको प्रहरीले जनाएको छ ।
