विराटनगर, माघ २१
१ नं. प्रदेश संसदको सभामुखको निर्वाचन माघ २९ गते हुने भएको छ । शनिबार प्रदेश संसद सचिबालयको संयोजनमा बसेको प्रदेश संसदमा प्रतिनिधित्व गर्ने दलहरुको बैठकले सभामुखको निर्वाचन माघ २९ गते र उपसभामुखको निर्वाचन फागुन ३ गते गर्ने निर्णय गरेको हो ।
प्रदेश संसदका जेष्ठ सदस्य ओमप्रकास सरावगीको अध्यक्षतामा बसेको बैठकले सभामुखको निर्वाचन मिति तोक्नेसहितका संसद अधिवेशनको पहिलो बैठकका कार्यसुची टुंगो लगाएको प्रदेश बैठक सञ्चालनको लागि खटिएका संघीय संसद सचिबालयका उपसचिव सहजीत राईले जानकारी दिए ।
सभामुखको निर्वाचनको लागि माघ २८ गते र उपसभामुखको निर्वाचनका लागि फागुन २ गते मनोनयन दर्ताको कार्यक्रम तय गरिएको छ ।
