साउन २७, विराटनगर । नेपाल अग्रवाल युवा मञ्च विराटनगरको पहलमा विराटनगर महानगरपालिका वडा नं ५ शान्ति चोक स्थित राम मन्दिरमा वाटर चिलिङ प्लान्ट जडान गरिएको छ ।
जिन्दल हार्डवेयरका रमेशकुमार अग्रवालले आफ्नी धर्मपत्नी स्व. मीनादेवी अग्रवाल को स्मृतिमा राम मन्दिरमा वाटर चिलिङ प्लान्ट निमार्ण गरिदिएका हुन ।
वाटर चिलिङ प्लान्टको सोमबार अन्तराष्ट्रिय युवा दिवसको अवसर पारी दाता अग्रवाल र नेपाल अग्रवाल सभाका अध्यक्ष देवकिनन्दन अग्रवालले संयुक्त रूपमा उद्घाटन गरेका छन ।
मन्दिर परिसरमा देखिएको पानीको समस्यालाई ध्यानमा राखी वाटर चिलिङ प्लान्ट जडान गरिएको बताइएको छ । कार्यक्रममा मञ्चका अध्यक्ष राजेश अग्रवाल लगायतले मन्तब्य राखेका थिए ।
