३ भदौ, चितवन ।
पत्रकार सालिकराम पुडासैनीको आत्महत्या प्रकरणमा पक्राउ परेका टेलिभिजन प्रस्तोता रवि लामिछानेसहित तीन जनालाई आज(मंगलबार) जिल्ला अदालत चितवनमा पेश गरिएको गरिएको छ । जिल्ला प्रहरी कार्यालयमा रहेका उनीहरुलाई थप अनुसन्धानका लागि म्याद थप गर्ने गरी अदालत लगिएको चितवनका प्रहरी उपरीक्षक दानबहादुर मल्लले जानकारी दिए ।
लामिछानेसहित युवराज कँडेल र अस्मिता कार्की अहिले चितवन प्रहरीको हिरासतमा रहेका छन् । चितवनको सुरक्षा व्यवस्था भने कडा पारिएको छ । लामिछानेका समर्थकहरुको प्रदर्शन हिंसात्मक बन्दै गएपछि प्रहरीले अन्य जिल्लाबाट समेत सुरक्षाकर्मी परिचालन गरेर सुरक्षा व्यवस्थालाई कडा पारेको छ । यसअघि सोमबारदेखि नै लागू हुने गरि जिल्ला प्रशासन कार्यालय चितवनले चौबिसकोठीदेखि मालपोतचोकसम्म निषेधित क्षेत्र घोषणा गरिसकेको छ ।
चौबिसकोठीदेखि मालपोत चोकसम्म अस्पताल, अदालत, प्रहरी कार्यालयलगायतका कार्यालयहरु रहेकाले सुरक्षा संवेदनशीलताको कारण निषेधित क्षेत्र घोषणा गरिएको प्रहरीले जनाएको छ । लामिछानेसहित तीन जनाको सोमबार पनि बयान लिइएको थियो । उनीहरुलाई सरकारी वकिलको कार्यालय पु¥याइ बयान लिइएको हो । अदालतले थपेको पाँच दिनको हिजो( सोमबार) अन्तिम दिन भएकाले तीनै जनाको बयान लिइएको हो ।
लामिछानेका समर्थकहरुले भने निषेधित क्षेत्र बाहिर बसेर प्रदर्शन गरिरहेका छन् । उनीहरुलाई पत्रकार पुडासैनीको आत्महत्या दुरुत्साहन गरेको अभियोग लागेको छ । आज अदालतबाट म्याद थप वा मुद्ध दर्ता मध्य एक हुनेछ । जिल्ला अदालत चितवनका श्रेष्तेदार रुद्रमणि गिरीले अनुसन्धानको फाइल अनुसारमा अदालतको प्रकृया अघि बढ्ने बताए । ‘कुन रुपमा फाइल पेस हुन्छ,उनले भने’,त्यही अनुसारको प्रकृया अघि बढ्छ ।’ उनले कानुन व्यवसा यी उपस्थित भए आज पनि बहस हुने जानकारी दिए ।
