१८ भदौ, एजेन्सी ।
अमेरिकी टेनिस खेलाडी सेरेना विलियम्स युएस ओपन टेनिसको महिलातर्फको सेमिफाइनलमा प्रवेश गरेका छन् ।
अर्थर एसे स्टेडियमको कोर्टमा बुधबार राति भएको खेलमा आठौं वरीयताकी सेरेनाले १८औं वरीयताकी चीनकी वाङ क्विाङलाई २–० को सोझो सेटमा पराजित गर्दै अन्तिम चारमा स्थान पक्का गरेकी हुन् ।
वाङ्गलाई पराजित गर्न सेरेनाले मात्रै ४४ मिनेट प्रतिस्पर्धा गर्नु परेको हो । सेरेनाले उनलाई ६–१ र ६–० को सेटमा पराजित गरिन् । वाङ्गले दोस्रो बरियताकी एशली बार्टीलाई पराजित गरेर क्वाटर फाइनलमा स्थान बनाएकी थिइन् ।
सेरेनाले सेमिफाइनलमा एलिना स्वीतोलिनासँग प्रतिस्पर्धा गर्ने छिन् । उनले बेलायतकी जोहन्ना कोन्टालाई ६–४ र ६–४ को सेटमा पराजित गरेर अन्तिम चारमा स्थान बनाएकी हुन् ।
