१९ भदौ, विराटनगर ।
एसिसी यु १९ एसिया कप क्रिकेट बिहीबारदेखि श्रीलंकामा सुरु हुँदैछ ।
समूह ‘ए’ मा भारत, पाकिस्तान, अफगानिस्तान र कुवेत छन् । समूह ‘बी’ मा रहेको नेपालले श्रीलंका, बंगलादेश र युएईको सामना गर्ने छ ।
नेपालले पहिलो खेल शुक्रबार श्रीलंकासँग खेल्ने छ । एसिसी यू–१९ एसिया कपको यो आठौँ संस्करण हो । भारत सात पटक विजेता बनेको छ ।
नेपालले सन् २०१७ को संस्करणको समूहगत चरणमा भारतलाई १९ रनले हराएको थियो । भारत प्रतियोगिताको इतिहासमा फाइनल पुग्न नसकेको संस्करण त्यही एकमात्र थियो।
त्यतिबेला सेमिफाइनल पुगेको नेपाल अफगानिस्तानसँग पराजित भएपछि अगाडि बढ्न सकेको थिएन। श्रीलंका चारपटक फाइनल पुगे पनि विजेता बन्न सकेको छैन ।
