२२ भदौ, विराटनगर।
अलराउन्डर सन्दीप जोरा र पवन सरार्फको उत्कृष्ट अर्ध शतकसंगै एसीसी यू१९ एसिया कप प्रतियोगितामा नेपालले बंगलादेशलाई २ सय ६२ रनको विशाल लक्ष्य दिएको छ ।
टस हारेपछि पहिला ब्याटिङको जिम्मा पाएको नेपालले उत्कृष्ट ब्याटिङ गर्यो। नेपालले निर्धारित ५० ओभरमा ८ विकेट गुमाएर २ सय ६१ रन जोड्यो।
ओपनर पवन सर्राफ ८१ र मध्यक्रमका सन्दीप झोराले ५६ रन बनाए । रित गौतम ३२, कुशल मल्ल २८ र रोहित पौडेल १४ रनमा आउट भए। आसिफ शेखले ३ रनमात्र जोड्न सके।
पहिलो विकेटका लागि ४५ रन जोडेको नेपालले तेस्रो विकेटका लागि ३९ र चौथो विकेटका लागि ६६ रनको साझेदारी गर्यो। सर्राफले एक सय ९ बलमा एक छक्का र ८ चौका प्रहार गरे । टोलीले एक सय ७३ रन जोड्दा पवन पाचौँ विकेटका रुपमा आउट भए।
उनलाई मितुनजोय चौधरीले आउट गरे। त्यसपछि सन्दीप र भीमबीच छैटौँ विकेटका लागि ७१ रनको साझेदारी भयो। भीमले २१ रन बनाए।
बंगलादेशका लागि मोहम्मद तानजिम हसन र शाहिन आलमले समान २ विकेट लिए । मुत्तुनजय चौधरी,रकीबुल हसन ,शामिम हसन र तोहीद हृदोयको नाममा समान १ विकेट रह्यो । पहिलो खेलमा नेपाल घरेलु टोली श्रीलंकासँग पाँच विकेटले पराजित भएको थियो।
