६ असोज, इटहरी ।
सुनसरीको इटहरी उप–महानगरपालिका–१२ बाट १ ग्राम १ सय ८० मिलिग्राम लागुऔषध खैरो हेरोईनसहित ३ जनालाई प्रहरीले नियन्त्रणमा लिएको छ ।
बिशेष सूचनाको आधारमा इलाका प्रहरी कार्यालय इटहरीबाट खटिएको प्रहरी टोलीले उक्त स्थानमा बसोवास गर्ने मोरङको सुन्दरहरैचा नगरपालिका–६ का ४९ बर्षीय तिर्थबहादुर तामाङ, केरावारी गाउँपालिका–७ का २९ बर्षी लालबहादुर कार्की र ३९ बर्षीय विरबहादुर ठाडा मगरलाई नियन्त्रणमा लिएको हो ।
लागुऔषधसहित पक्राउ परेका उनीहरुको सम्बन्धमा थप अनुसन्धान भईरहेको उक्त कार्यालयले जनाएको छ । |
