१७ असोज, काठमाडौं । तत्कालिन सभामुख कृष्णबहादुर महरा प्रकरणमा राष्ट्रिय मानव अधिकार आयोगले घटनाबारे भैरहेको छानविनको अनुगमन गर्ने भएको छ ।
अनुगमनका लागि आयोगले तीन सदस्यीय उच्चस्तरिय टोली गठन गरेको छ । त्यस्तै नेपाल प्रहरीसँग हालसम्म गरेका कामकारवाही बारे सूचना समेत माग गरेको छ ।
आयोगले घटनाबारे सञ्चारमाध्यममा आएका समाचार र पत्रकार माथि धम्की आएको घटनाबारे समेत छानविन गरिरहेको जनाएको छ ।
तत्कालिन सभामुख कृष्णबहादुर महरा माथि गत असोज १२ गते संघीय संसदमै कार्यरत कर्मचारीलाई बलात्कार गरेको आरोप छ । घटनाबारे प्रहरी अनुसन्धान अगाडि नबढाएपछि मानव अधिकार आयोगले अनुगमन टोली गठन गरि अग्रसरता देखाएको हो ।
आयोगको टोलीले घटनाको अनुसन्धान माथि नै सुक्ष्म निगरानी गर्नेछ ।
